javierito: 2010

Mostrando entradas con la etiqueta 2010. Mostrar todas las entradas

Aurten zubi foralik ez, baina, zubi espainola izan dugu. Ez da izan, beste batzuetan bezala, nafartasunaz gozatzeko aukerarik, toki guztietan izan baitute festa egun hauetan. Andaluzia ezagutu ez, eta hara mugitu gara. Mendi-turismo-domingerismo plana. Pare bat egun mendian ibiltzeko eta beste pare bat Granada ezagutzeko. Fundeixon on tour!

Eguzkia segundo batez atera zen.

Gaua Albaizin auzoan. Granadako zonalde honek mantendu egiten du arabiarrek utzitako arrastoa kaleetan. Errege katolikoak eta bere ondorengo asko hiriaren espainoltasuna ongi markatua utzi nahi izan zuten, eta, horretarako meskita asko bota eta elizak eraiki zituzten. Errege katolikoen hilobia han dago, argi gera dadin que españa es una y no cincuentayuna!

Alhambra, nola ez.

Alhambrako arkitektura gauza askorengatik da liluragarria. Bereziki interesgarria da nola sartzen den argia txoko guztietan.

Bai, bai... argia.

Japanese style.

Relax.

Espiritu kritikoa.

¡qué putos técnicos!

Onki xin, elur

Hemen da! Oraingoz Pirinio aldean, baina aste honetarako iragarri dute Iruñean bertan eginen duela. Gu, eskiak hartu, eta kuxkusean ibiltzera atera gara Erronkari aldera. Beno, egia erratera, denok ez ditugu eskiak hartu: si no hay nieve, flipao, ande vas? (kar kar!) Elurra izan, bada, eta erruz bota du gainera. Laurnbatean Kontienda aldean ibili ginen goizean. Arratsaldean Izabara jaitsi ginen pote bat hartzera, eta KartXuto tabernan, Estornes Lasaren Erronkariera hitztegian sartu genituen sudurrak. Harritzekoa da, baina urteak dira taberna horretan hiztegiaren kopia bat dutela, hantxe, aldizkari eta egunkariekin batera. Ikaragarria:

- Txirrimirri: mujer algo pasada de vino.

- Berankor: pelma.

- Txarpaleta: nieve pescadería.

- Pikotx: pico de albañil.

- Gaia galtu: gau pasa egin.

- etabaretabar

Gaua (gaia) Mata de hayan eman, eguna argitzerako dena elurtua, eskiak hartu eta Eskilzarra aldera egin.

Ederki eman diogu hasiera elur-denboraldiari!

Elurrik ez zegoela esaten zuen bat.

Aretteraino mugitu ginen, ea ze onda. Han flipao batzuk zebiltzan, 4x4 batean soka bat lotu eta, horri helduta, abiadura hartzen zuten tablarekin egina zuten salto bateraino.

Juan Pitotik.

Eskilzarra inguruak.

Puta ideiarik ez zer hegazti diren. Norbaitek baldin badaki, mesedez utzi mezua komentarioetan.

...

Snif, snif ... 2381 egun itxita, Napar Bideakek dioenez.

I love Gasteiz

Euria. Udazkena. Gasteiz. Koloreak. Bizikleta. Periscopio. Furgoneta. Bodegon Gorbea. César Lucas. Bide gorria. World Press Photo 2010. Gaztetxea. Kafka. Agurain. La Cuchi. Euskarara itzulitako testu ulergarriak. María. Ulibarri Ganboa. War is personal. Jula. La Zapa. Hala Bedi irratia. Koloreak. Gasteiz. Udazkena. Euria.

Regae MUFIN jaia

Boi + Taull

Iraliaren lehenengo astean Lleida aldera mugitu ginen On Asis eta biok. Eguraldi kaxkarra zuten iragarria, baina, hala ere, joatea erabaki genuen. Egun batean euria izan genuen, baina gainerakoetan ez. Garai ona da inguru horiek ezagutzeko; abuztuko jendetza desagertu egin da ordurako, bertakoak lasai dabiltza, beren zereginetan murgildurik, hitz egiteko gogoz...

Ibilaldi bikainak egin genituen; lehenengo, Besiberrietako gandorra egin genuen; egun berean, stany de Cavaliersetik atera, Iparraldeko Besiberrira igo, eta erdiko Besiberriraino iritsi ginen. Ordurako berandu zen, eta leher eginda geundenez, behera egin genuen hegoaldeko Besiberrira eta Comalofornora igo gabe; hurrengorako (bi egunetan egitea komeni). Taull herrian atseden hartu ondoren, Ventosa i Calvell aterpera igo ginen, eta handik, Tumeneya mendira, gandorran barna honetara ere. Pa de Sucre mendia (ondokoa, gandorraren jarraipena) hurrengorako. Aterpetik jaitsi, eta azken egunean, Pont de Suert herrian dagoen bia ferrata batera joan ginen. Oporraldi bigorexiko gozagarria.

Iparraldeko Besiberrira igotzen, azken txanpa. Ohiko bidea ez da batere erraza.

Gandorrean, erdiko Besiberrirako bidean. Granitoa, granitoa, granitoa.

Stany de Cavaliers.

S. Clemente, Taullekoa. Romaniko ospetsua. Elizak ez ezik, herriak ere oso ongi zainduak dituzte zonalde hartan.

Ventosa i Calvell aterpea. Atzean, laino artean, Punta Arlé, Pa de sucre eta Tumeneya.

Hau ere aterpea; tontoarena egiten, argazki kuriosoa atera genuen. Aterpekoek txupito bana atera ziguten, trukean argazkia bidaltzeko eskatuta.

Egunsentia. Ezkerraldeko punta Comaloforno mendia da, hango altuena (3000 ta... ez dakit). Eskuinaldekoa, berriz, iparraldeko Besiberri. Erdian ikusten dena Besiberrietako gandorra.

Zonaldea stanyz beteta dago (Katalunyako ibonak). Ezkerretik eskuinera, Besiberri, Punta Arlé, Pa de Sucre eta Tumeneya.

Tumeneyako gandorra.

Tumeneyako gandorrean rapel batzuk egin behar dira. Paraboltak daude horretarako.

Ventosa i Calvell aterpearen gainean (argazkian ez da ikusten, baina ezkerraldean dago) Travessani izeneko mendi hau dago. Agullas de Travessani horietan bia dexente omen dago. Hara bueltatu beharra dago, nahi ta ez!

Pont de Suert herrian (oso handia da, ez dakit hiria ote den), bia ferrata hau dago. Oso ongi dago, goian badu atzera botatzen zaituen zati bat (popeyeeee), eta, bukaeran, tirolina; baina guk ez generaman polearik, pena.

Zati honetan atzera botatzen zaitu paretak.

Aizkorri

Aizkorri aldean ibili ginen joan zen asteburuan. Aspaldiko partez, Fundeixon mendi taldea martxan jarri da. Beti San Adrian aldetik igo izan gara mendi honetara, eta oraingoan, Jonasek proposaturik, Arantzazutik atera ginen. Basoa ikaragarria, oraindik ez oso udazkendua; Urbiako zelai berdeak gozagarri, hango ostatuan euskararen aldeko apologia talibana ikusi genuen (hola, hola), eta, bide batez, fundeixontarrok euskaraz egitera behartu gintuzten (a ze ostikadak gramatikari eta euskal senari); eguzkiak engañatuta, goraino egiten saiatu ginen, eta atzera bueltatzea segitzea baino okerragoa zenean, lainoa sartzea, ipar haize kabroia mugitzea eta euria barra-barra botatzen hastea dena bat izan zen. Mojados, sí, pero contentos!